بسم الله الرحمن الرحيم
السلام عليكم ورحمة الله وبركاته
العمر بيجرى من الواحد من غير ما يحس – اللهم بارك لنا فى أوقاتنا – المرة ده بكتب بمناسبة مرور سنة على حصولى على SCJP طبعا الإمتحان ده امتحنته فى وقت صعب بين إمتحانات الكلية و مشروع التخرج يعنى انا ذاكرت فى نص الامتحانات و راجعت أثناء أول أسبوعين من المشروع و امتحنت يوم 14-6-2007 و الحمد لله نجحت بمجموع كويس
بسم الله الرحمن الرحيم
الف مبروووك لمحمد المراغى على نجاحه فى امتحان ال
RHCT v 5( Red Hat Certified Technicain )
وبالتوفيق ومن نجاح لنجاح بإذن الله
يوم الثلاثاء 22-4-2008 كان معاد دخول اخر صديق ليا الجيش مصطفى محمد شحاته كنا مع بعض علطول على مدار 6 سنين حتى فى كل مشاوير الجيش والكشوفات حلمية الزتون والماظة لكن أمر الله انى مكملش معاه فى كلية الضباط ربنا يعينه ويهون عليه وأخر حاجة هى
رب إنى لما أنزلت إلى من خير فقير
وده كانت أخر كلامه معايا قبل السفر
فى حفظ الله يا مصطفى
أسال كل من يقرأ هذه الأسطر أن يدعو لأخوكم مصطفى
يوم 5-4 -2007 الساعة 9 صباحا فى لاب ريدهات فى لينوكس بلس كنت بمتحن أول امتحان ليا فى نفس اليوم الساعة 6 النتيجة اتبعتت على الايميل وكانت احلى نتيجة الحمد لله جبت 100% قبل الامتحان كنت بفكر انجح وبس لكن أول مشوفت الاسئلة وانا فى الامتحان اللى كان شاغلنى انى لازم اجي 100 % و الحمد لله ده كان تكليل لمجهود اكتر من شهر مذاكرة – على الرغم ان الامتحان مكنش يستاهل بس خوف بتاع اول امتحان- مع المجموعة اللى كانوا داخلين معايا الامتحان أحمد شبانة و عبد الرحمن و محمد حسن وكيمو وأحمد الجميل كانت ايام جميلة كنا بنتجمع فى بيت محمد حسن ونذاكر مع بعض كان فى تعاون وكان فى مواقف جميلة بنا
الحمد لله انا بقالى سنة
السلام عليكم ورحمة الله وبركاته
عســــاكر الدفعة الثانية والمرة ده كان عمر الزكى صديقى – كلية حاسبات ومعلومات – وده صورته هو وهو محمد المراغى مهندس سابق وعسكرى حاليا لما اتقابلوا علشان يسلموا اخر التعليمات بخصوص الجيش
My Personal Web Site